Joriy yilning 25-dekabr kuni Olmazor tumani 25-sonli bolalar musiqa va san’at maktabida Yangi yilga bag‘ishlangan Yangi yil ertaknamo hisobot konserti bo‘lib o‘tdi. Bayramono bezatilgan konsert zali sahnasida maktabda faoliyat yurituvchi barcha bo‘lim o‘quvchilari, ansambllar ishtirokchilari o‘zlarining mohirona san’atlarini namoyon qildilar. Ularning chiqishlari konsertga tashrif buyurganlarning olqishlariga sazovor bo‘ldi.
Bugungi bayramona chiqishlar ortida katta mehnat, sabr-toqat va tinimsiz tayyorgarlik jarayoni yotibdi. Har bir nota, har bir harakat Yangi yil shukuhiga munosib bo‘lishi uchun puxta mashq qilindi - bu ijod va orzular birlashgan sehrli jarayondir.
